Në orët e vona të natës, kryetari i Lidhjes Demokratike të Kosovës, Lumir Abdixhiku, ka njoftuar se ka vizituar punëtorët e ndërrimit të tretë në punishten e Tunelit të Kurrizit në Prishtinë.
Sipas tij, ky është një nga projektet që po dëshmon një ritëm të ri të zhvillimit urban në kryeqytet, transmeton Klankosova.tv
Abdixhiku tha se puna në Prishtinë do të vijojë pandërprerë në çdo lagje dhe rrugë, përmes projekteve që do të hapin arterie të reja urbane dhe që do t’i japin qytetit një identitet të ri zhvillimor.
