Melinda Ademi ka tërhequr vëmendjen e ndjekësve të saj në rrjetet sociale, pas publikimit të një seti të ri fotografik me motive verore, ku artistja shqiptare u shfaq në formë të shkëlqyer.
Pamjet, të cilat u shpërndanë gjerësisht, u pritën me shumë komente pozitive nga fansat e saj, por mes tyre u veçua një koment me natyrë sportive.
Në prag të finales së madhe të Ligës së Kampionëve mes Paris Saint-Germain dhe Inter Milan, një ndjekës i saj i drejtoi një pyetje interesante: “A po fitojmë sonte, Melinda?”
Përgjigjja e këngëtares ishte e shkurtë, por mjaft domethënëse. Ajo reagoi në italisht duke shkruar: “Io sono interista”, që përkthehet në shqip: “Unë jam interiste”.
Me këtë deklaratë, Melinda bëri të qartë se mbështet skuadrën italiane Inter Milan, duke fituar menjëherë simpatinë e tifozëve të këtij ekipi, përcjell Telegrafi.com
Ndërkohë, në fotografitë e publikuara, Melinda u shfaq plot vetëbesim dhe në formë të mrekullueshme, duke dëshmuar edhe një herë se është një nga figurat më të ndjekura dhe më të komentuarat në showbizin shqiptar.
