Kryetari i AAK-së, Ramush Haradinaj, përmes një postimi në facebook është shprehur se mafia energjitike nuk po fshihet më.
Sipas Haradinaj, kompania e vëllaut të Luan Dalipit, (Driton Dalipi) që bënë pjesë në kabinetin e kryeministrit Kurtit shpërblehet në emër të “tregut të lirë” për shit-blerje të energjisë.
“Mafia energjetike nuk po fshihet më. Nën dritën e diellit, me emër e mbiemër, para syve të një populli të vjedhur, kompania e vëllaut të Luan Dalipit, shefit të kabinetit të kryeministrit pa legjitimitet Kurti, shpërblehet në emër të “tregut të lirë” për shit-blerje të energjisë. Çmimin dihet kush e paguan, qytetari i mashtruar”, ka thënë Haradinaj.
Ndërsa ka shtuar se ky krim dhe korrupsion çdo 24 orë po shfaqet në forma gjithnjë e më të rënda.
“Ky krim dhe korrupsion, çdo 24 orë, po shfaqet në forma gjithnjë e më të rënda. Por kjo duhet të ketë një fund. Dhe ky fund nuk do të jetë i mirë për këtë mafi, percjell IndeksOnline
Mbetet vetëm një pyetje për këtë popull: Kur është ai fund? Deri kur? Çfarë duhet të ndodhë më shumë se kaq?
Kjo është gjendje e jashtëzakonshme dhe emergjencë kombëtare”, ka thënë Haradinaj.//
