Deputeti i LDK-së, Lutfi Haziri, duke komentuar moskonstituuimin e Kuvendit, tha se ende beson në arritjen e një marrëveshjeje politike.
“Kronikë e zezë. Jemi pamundësuar të ushtrojmë detyrën tonë si përfaqësues të popullit. Edhe me tutje jam prej atyre që besoj që racionaliteti politik do të çojë drejt një marrëveshjeje politike për të krijuar shumicë dhe Kosova të zhbllokohet nga kjo marre politike padrejtësisht.”
Ai shtoi se pavarësisht nga disa kontakte individuale mes deputetëve, manovra të tilla, sipas tij, nuk e bëjnë të besueshme një marrëveshje të mirëfilltë politike.
“Ka veprime, por me deputetë individualisht. Kjo nuk e bën të besueshme një marrëveshje politike”, tha Haziri.
