Dje ka dështuar për herë të 20-të të konstituohet Kuvendi i Kosovës.
Kryesuesi i seancës, Avni Dehari, hodhi për votim formimin e Komisionit për votim të fshehtë, por i njëjti nuk arriti të kalojë ashtu si herët e tjera.
Vendi prej zgjedhjeve të 9 shkurtit është pa institucioneve të reja të dala nga këto zgjdhje.
Në lidhje me këtë situatë të ngërçit institucional dhe si duhet të dilet nga ajo ka folur për “Gazeta Blic” zyrtari i lartë i PDK-së dhe politikani, Xhavit Haliti.
Haliti tha se polarizimi në mes të partive politike, liderëve e antarësisë së partive është në piken më të keqe të mundëshme.
Ai tha se elektorati i ka futur në sprovë të gjitha partitë pasi nuk ua ka dhënë mundësinë asnjërës të qeverisë e vetme.
“Polarizimi në mes të partive politike, liderëve e antarësisë së partive është në piken më të keqe të mundëshme, kjo edhe për shkak të ambicieva të smura për pushtet si dhe bllokades që është krijuar pas zgjedhjeve që elektorati i ka futur në sprovë të gjitha partitë politike. Duke mos i dhënë mundësinë asnjë partije që e vetme të krijojë qeverinë, ambiciet e lidershipit janë të mëdha, por mundësitë të dëshirueshme”
“Gjith kjo fushatë e bërë kundër njëri tjetrit, gjithë këto debate të sponzorizuara kundër njëri tjetrit, i kanë përkeqësuar edhe më shumë raportet në mes partive politike e si pasojë e kësaj edhe në mes elektoratit dhe anëtarësisë së gjërë të partive politike. Kjo situatë ka derivuar edhe një shqetësim të madhë tek qytetarët, të cilët bashkë me buken po përtypin edhe debatet e televizioneve dje pritjes së mbajtjes së seancave të çuditëshme të parlamentit të cilat nuk po prodhojnë asgjë” tha Haliti.
Politikani Haliti tha se tashmë ‘Kemi rënë në gracken e pelqyeshmërisë ose papelqyeshmërisë së individit’.
Ai tha se nëse brenda muajit nuk arrihet marrëveshje, të gjitha duhet të dorëzojnë mandatet dhe të hapet rruga për përsëritjen e zgjedhjeve.
“Nëse do arrihej një marrëveshje, pas gjithë këtyre kundërshtive për të vazhduar rrugëtimin politik e institucional për ta forcuar shtetin e së drejtes, ekonominë, arsimin, shëndetësinë etj. Kemi rënë në gracken e pelqyeshmërisë ose papelqyeshmërisë së individit. Duke mos dashur të thellohem në të metat e sistemit kushtetutes,ligjit të zgjedhjeve e rregullores së Kuvendit, mendoj që partitë politike ose duhet të ndryshojnë qëndrim dhe të jenë më fleksibil e ti shiqojnë gjërat me objektivitet e gjakëftohësi duke e qitë në rend të parë interesin e Kosoves ose të arrijnë një marrëveshje e cila krijon mundësinë e krijimit të një qeverije të përkohëshme, pjesë e së cilës do ishin të gjithë , me qëllim që të zgjidhen disa probleme politike të cilat na takojnë të gjithëve dhe që janë shkaktare te përqarjeve dhe pamundësise për të krijuar një qeveri të një koalicioni të qendrueshëm”
“Në qoftëse brenda muajit nuk arrihet marrëveshje, atëherë do të duhej që të gjitha partitë dhe kandidatët për deputet të zgjedhur e të pazgjedhur që mund të jenë në listen e pritjes të bëjnë deklarata për dorëzimin e mandatit të deputetit dhe të krijohet mundësia më e shpejtë për përseritjen e zgjedhjeve” tha politikani Haliti.
Nesër me fillim nga ora 11:00 pritet të mbahet seanca e radhës për konstituimin e Kuvendit.
