Kryetari i Partisë Demokratike të Kosovës (PDK), Memli Krasniqi, ka akuzuar Lëvizjen Vetëvendosje (VV) se në seancën e sotme ka ardhur me qëllim të qartë për të shkelur rregulloren e Kuvendit të Kosovës,
Ai sqaroi se kërkesa e VV-së ishte në kundërshtim me nenet e rregullores që parasheh mbledhjen e seancave çdo dy ditë deri në konstituimin e Kuvendit, raporton E.O.
“Sot patëm edhe një zhvillim të papranueshëm. E para e punës, deputetët e partisë që ka dalë e para në zgjedhje nuk erdhën as me kohë. Kur erdhën, patën edhe një kërkesë që në mënyrë të organizuar ta shkelim rregulloren. Kërkesa e tyre ishte që, në kundërshtim me rregulloren që thotë se duhet të mblidhemi çdo dy ditë deri sa të konstituohet Kuvendi, ata kërkuan që të mblidhemi një herë në javë. Këto janë dy probleme: e para, është e papranueshme që të bëhet një kërkesë e tillë që të shkelet rregullorja me vetëdije. Dhe e dyta, tregon që vullneti i tyre nuk është që të bëhet zgjidhje apo të lëvizet përpara. Por thjesht që këto repriza të mos mbahen çdo dy ditë, por çdo dy javë”, tha ai.
