Asambleisti i Kuvendit Komunal të Prishtinës nga radhët e Vetëvendosjes, Feim Osmani, ngriti shqetësimin për gjendjen alarmuese të ndërmarrjes publike “Pastrimi”,
Ai akuzoi menaxhmentin e kësaj kompanie dhe LDK-në dhe PDK-në për keqmenaxhim të qëllimshëm, punësime pa kriter dhe shpenzime të panevojshme që kanë sjellë ndërmarrjen buzë falimentimit.
Sipas tij, pezullimi i vendimit të Kuvendit Komunal nga kryetari Përparim Rama është i paligjshëm dhe i motivuar politikisht.
Osmani paralajmëroi rrezik për përhapje epidemish për shkak të grumbullimit të mbeturinave dhe u bëri thirrje qytetarëve që pagesat t’i bëjnë drejtpërdrejt tek ndërmarrja.
“Ndarja e ndërmarrjeve në bazë të interesave politike e pa plan konkret zhvillimor. Punësimet pa kriter e pa nevojë duke bllokuar ndërmarrjen dhe duke krijuar obligime financiare e duke rritur borxhet deri në pamundësi të operimit të mëtutjeshëm të saj. Kuvendit i kanë ardhur disa herë kërkesa për subvencionim të ndërmarrjes, madje dy herë është subvencionuar. Herën e parë edhe ne si asambleist të VV-së e patëm përkrahur subvencionimin me vërejtjen se nuk do ta përkrahim herave të tjera pa një plan konkret për të dalë nga kriza.
E njëjta vërejtje jo vetëm që nuk ka hasur në mirëkuptim, por që menaxhmenti ka vazhduar edhe më tutje duke keqpërdorur ndërmarrjen prapë me punësime, prapë me shpenzime të dyshimta e të panevojshme. Sipas informatave më të fundit, vetëm nga 1 janari deri sot janë punësuar mbi 30 persona kryesisht në administratë. Gjithashtu, ndërmarrja për shkak se është mbipopulluar me të punësuar në administratë dhe tanimë nuk kanë as hapësirë për t’i akomoduar së fundit këto dite kanë marrë zyra me qira në Prishtinë nga NPB-ja. Çfarë t’i themi kësaj çështjeje, përveç tendence për falimentim të ndërmarrjes. Ne si Lëvizje Vetëvendosje e patëm paralajmëruar një situatë të tillë para gati katër vjetësh në 100 ditëshin e qeverisjes LDK-PDK me një aksion simbolik me mbeturina para komunës. Paralajmërimet tona u neglizhuan dhe sot pas gati katër vjetësh, realiteti është edhe më i keq, ku kemi ardhur në një situatë krejtësisht dramatike në këtë aspekt”, tha Osmani.
Ai tha se me gjithë subvencionet e dhëna nga komuna, mungesa e një plani të qartë për dalje nga kriza dhe politizimi i ndërmarrjes e kanë rënduar situatën.
“Asnjëherë kryetari Rama e as LDK-ja nuk janë marrë seriozisht me këtë problematikë. Derisa ishin në koalicion i kanë përkrahur çdo nismë të gabuar se e kishte shumicën e aksioneve në ndërmarrje. Bashkë të dyja edhe LDK-ja, edhe PDK-ja, e patën miratuar rregulloren, që lejonte operatorët privatë të operojnë me menaxhim të mbeturinave, përveç që buxheti i Komunës është shpenzuar pa ndonjë efekt të theksuar pozitiv po të investoheshin ato mjete ne ndërmarrie sot gjendja do të ishte krejtësisht tjetër. Komuna duhet ta mundësojë së zbatuari vendimin e Kuvendit për ndryshim të rregullores që ia kthen të dreiten për inkasim të faturave ndërmarrjes “Pastrimi”. Ky vendim i Kuvendit e ka kaluar edhe vlerësimin e ligjshmërisë nga ministria kompetente. Pezullimi i saj nga ana e kryetarit Rama është pa bazë ligjore dhe po ashtu edhe dërgimi në giykatë i panevojshëm. Kjo po bëhet kryekëput për inate politike dhe interesa ekonomike nga të dy palët pra, PDK-ja dhe LDK-ja”, tha Osmani.
Ai bëri thirrje për dorëheqjen e menaxhmentit të ndërmarrjes “Pastrimi”, zhbllokimin e fondeve komunale prej rreth 600,000 eurosh si dhe lejimin e inkasimit të faturave nga ana e ndërmarrjes.
“Zgjidhja është dorëheqja e menaxhmentit të ndërmarrjes, për shkak të dështimit në menaxhim dhe sjelljes para falimentimit të ndërmarrjes. Komuna sa më parë të zhbllokojë mjetet që ka grumbulluar nga pagesa e faturave, vlera e të cilave është rreth 600,000 euro. Të mos pengoj faturimin e klientëve nga ana e ndërmarrjes e për këtë t’u bëjë thirrje menjëherë qytetarëve që tani e tutje pagesat t’i bëjnë tek ndërmarrja. Dhe hapi i fundit, por më i rëndësishmi është bashkërendimi urgjent i këtyre hapave në mes Komunës dhe ndërmarrjes si dhe hapja e rrugës për dalje nga situata para se të përhapet ndonjë epidemi si pasojë e temperaturave të larta dhe pranisë së madhe të qenve endacakë, të cilët shpërndajnë mbeturinat, por edhe sëmundjet bashkë me to, raporton Ekonomia Online.
Situata në ndërmarrjen “Pastrimi” ka shpërthyer dhe tanimë po duket, mirëpo edhe ndërmarrjet e tjera nuk janë në giendje më të mirë dhe ka situata të ngjashme në shumë prej tyre. Kuvendi nuk po arrin të mbajë seanca të rregullta dhe si pasojë edhe raportimet e ndërmarrjeve nuk po bëhen para anëtarëve të Kuvendit. Ne sot nuk kemi informata për shumicën nga to e të jeni të sigurt se gjendja nuk është fare e mirë as në ndërmarrjet e tjera”, tha asambleisti i Kuvendit Komunal të Prishtinës nga radhët e Vetëvendosjes, Feim Osmani.
