Deputetja e LDK-së, Hykmete Bajrami, ka deklaruar se vendi po përballet me një krizë politike pa zgjidhje të dukshme,
Ajo tha se LDK ka vepruar me sinqeritet duke e pranuar se as partitë opozitare nuk i kanë numrat për të dalë nga kjo situatë, ndërsa sipas saj, Vetëvendosjes i mungon vullneti për të bërë hapa konkretë drejt zhbllokimit, raporton E.O.
“Pa dashur jemi bërë aktorë të serialit më të padëshirueshëm në vend. Nuk kemi propozim tjetër, sepse siç duket, situata politike në vend nuk ka alternativë tjetër për të dalë nga kjo krizë. As VV nuk i ka votat, dhe ne kemi pranuar me sinqeritet që partitë e deri dje opozitare nuk i kanë numrat. Për këtë arsye kemi vendosur propozimin tonë. Unë besoj se ata që do të kishin pasur interes për ta zhbllokuar situatën, do ta kishin bërë më herët. Atyre u mungon vullneti”, deklaroi Bajrami.
