Altin Krasniqi, deputeti i zgjedhur nga PDK, ka shprehur krenarinë e tij për mundësinë që ka të shërbejë në Kuvendin e Kosovës, duke theksuar se ky është vazhdim i punës dhe sakrificave të babait të tij, Jakup Krasniqi, i cili ka shërbyer dy mandate si Kryetar i Kuvendit,
Ai ka nënvizuar se ky është një moment i veçantë, ku për herë të parë babai i tij mund ta shohë si një zë të qytetarëve dhe mbrojtës të vlerave të demokracisë dhe shtetndërtimit që ai vetë ka kontribuar.
Postimi i plotë i tij:
Krenaria ime më e madhe është që sot ndodhem në Kuvendin e Republikës së Kosovës, aty ku babai im shërbeu me përkushtim për dy mandate si Kryetar Kuvendi.
Të kem mundësinë t’i përfaqësoj qytetarët e vendit tim në të njëjtin institucion ku ai dha kontributin e tij për demokracinë dhe shtetndërtimin, është nder i jashtëzakonshëm dhe përgjegjësi e madhe, raporton GazetaBlic.
Kjo për mua nuk është vetëm një pozitë është vazhdim i një rruge që është ndërtuar me mund, sakrificë dhe ideale. Dhe mbi të gjitha, është momenti më prekës kur babai im, nga ekrani i televizorit, mund të më shohë sot jo vetëm si birin e tij, por si një zë të qytetarëve dhe mbrojtës të vlerave që ai vetë ka mbrojtur.
