Vitet kanë kaluar dhe Justin Bieber vazhdon jetën me bashkëshorten e tij, Hailey, por duket se Selena Gomez ka ende për të folur sa i përket lidhjes me të.
Ajo rrëfeu në një intervistë të kohëve të fundit se është ndjerë vetëm për shumë vite pas ndarjes nga Justin. Gomez, e cila është e fejuar me Benny Blanco, pranoi se nuk i ka pëlqyer askush për rreth pesë vjet pasi lidhja e saj përfundoi në një mënyrë disi të pakëndshme.
“Jam ndjerë e vetmuar, pasi nuk pëlqeja dot askënd për rreth 5 vite.”, tha ajo.
Po ashtu, ajo tha se u ndje mjaft në siklet, pasi puthi për herë të parë të fejuarin e saj. Megjithatë, sipas saj, situata nuk ishte më njësoj me Blanco-n, pasi kuptoi se ai ishte i duhuri dhe dashuria triumfoi mes tyre.
Hailey Bieber dhe Justin Bieber zyrtarizuan marrëdhënien e tyre vetëm 2 muaj pas ndarjes së këngëtarit me Selenën. Kjo situatë solli një sërë polemikash, duke bërë që fansat të akuzonin Hailey se “i vodhi” partnerin Selenës.
Mesa duket, drama vijon edhe pas shumë vitesh.
