Asgjë nuk të fal ndjesi më pozitive se rifillimet e reja dhe pranvera është simbol i një cikli të ri që nis. Sapo dielli shfaqet, të gjitha duam që të ndryshojmë garderobën, por jo vetëm. Pranvera dhe vera duket se kërkojnë një ndryshime në pamje që kryesisht lidhet me një lyerje flokësh.
Zakonisht jemi mësuar që të heqim dorë nga nuancat e biondes së akullt në këtë sezon, duke iu rikthyer nuancave më të ëmbla, si karamel. Por, ky sezon duket se ka supriza dhe një ndër të famshmet që e vërteton këtë është Lindsay Lohan.
Flokët e saj, të famshme për nuancat alternative të të kuqes dhe bjondes së artë gjatë gjithë karrierës së saj, kanë marrë një ton më të ftohtë nga sa kemi parë tek ylli i “Freakier Friday” më parë – një bjonde e akullt, që Lohan dhe parukieri i saj, Dimitris Giannetos, e quajtën të dy “almond hair/flokë qumështi bajamesh” në Instagram.
Në fakt, kjo zgjedhje e aktores nuk është rastësi, pasi shumë vajza duket se kanë “thyer rregullat” pranverore, duke mos hequr dorë nga nuancat e ftohta të biondes. Për habinë tonë, këto nuanca duken mirë edhe gjatë kësaj periudhe.
