Nënkryetarja e Partisë Demokratike e Kosovës, Vlora Çitaku ishte e ftuara e radhës në Blic Interview me Astrit Gashin.
Çitaku thotë se Bedri Hamza është kandiati më i mirë dhe më i duhur për kryeminsitër për Kosovën sot.
Tutje ajo thotë se Hamza është njeriu që i duhet Kosovës sot, sepse sfidat që i kemi përpara kërkojnë një njeri të përgjegjshëm dhe stabil, raporton GazetaBlic.
“PDK ka dhënë shembull disa herë, që më të rëndësishme se pozitën e ka procesin dhe për PDK para se të flasim për pozita është e rëndësishme të flasim për prioritete. Cilat janë çështjet të cilat në mënyrë imediate qeveria e ardhshme duhet ti adresoj, pasi të dakordohemi për prioritete pastaj ulemi dhe flasim për pozita.
“Ne besojmë që Bedri Hamza është kandidati më i mirë, më i duhur për Kosovën sot. Memli Krasniqi duke qenë krytari i partisë ka bërë një hap prapa dhe ka nominuar zotrin Bedri Hamza, sepse Bedri Hamza është njeriu që i duhet Kosovës sot. Sfidat që i kemi para nesh sot, kërkojnë një njëri të përgjegjshëm, stabil dhe me përvojë. Hamza ka shkëlqy në cdo pozitë që e ka pas“, ka thënë ajo.
