Drejtori sportiv i klubit basketbollistit, Ylli, Egzon Fetiu ka dhënë dorëheqje pas eliminimit nga klubi i Pejës.
Lajmin e ka bërë të ditur vet Fetiu përmes një postimi në rrjetin social, Facebook.
Ai shkroi se kjo është një lamtumirë për mirënjohje të përjetshme, duke falendëruar më tej edhe tifozët “Xhebrailat”.
Fetiu në letrën emocionuese lamtumirëse falënderoi familjen e tij, familjen Palushi si dhe trajnerët.
Krejt në fund ai tha se ardhmja e klubit do të jetë edhe më e ndritur edhe pse pa të.
“Unë, Egzon Fetiu, së bashku me shokët e mi, gjithmonë kemi luftuar me zemër për këtë fanellë, për këtë klub dhe për këtë qytet. Kemi dhënë gjithçka në fushë për të përfaqësuar me krenari emrin YLLI. Së bashku kemi shkruar histori: Dy herë kampionë, fitues të Ligës Unike, dhe fitues të Superkupës Mbarëkombëtare. Këto janë më shumë se trofe – janë kujtime që do t’i mbaj gjithmonë me vete”, shkroi ndër të tjerash ai.
