Pal Lekaj, nga AAK, ka komentuar mundësinë e votimit të opozitës për Kryeparlamentarin e propozuar nga Vetëvendosje (VV).Ai për GazetaBlic theksoi se situata aktuale është ende e paqartë dhe se shumëçka do të varet nga dinamika e marrëveshjeve politike pas skenës.
“Mund të thuhet se situata është ende e paqartë dhe shumëçka do të varet nga dinamika e marrëveshjeve politike prapa skenës. Nuk dihet ende që opozita a do të japë votën per Kryeparlametarin e propozuar nga VV”, tha Lekaj.Lekaj përmendi se nuk është ende e sigurt nëse opozita do të ofrojë mbështetje për Kryeparlamentarin e VV-së, duke theksuar se kjo nuk është thjesht një çështje votimi pro apo kundër, por një proces shumë më kompleks.
Ai shtoi se, në këtë situatë, edhe mosveprimi mund të konsiderohet si një qëndrim politik i opozitës.“Pra, nuk është çështje thjesht votimi pro apo kundër – por një lojë më e ndërlikuar ku shpesh edhe mosveprimi mund të jetë një qëndrim në vetvete”, tha Lekaj për GazetaBlic.
Kujtojmë se, Presidentja e Kosovës, Vjosa Osmani, e ka caktuar datën 15 prill për mbajtjen e seancës konstituive të Kuvendit të ri të Kosovës.“Presidentja e Republikës së Kosovës, Vjosa Osmani, në përputhje me autorizimet kushtetuese dhe afatet ligjore, ka thirrur mbledhjen e parë të Legjislaturës së nëntë të Kuvendit të Kosovës për datën 15 prill 2025”, u tha në një njoftim të shkurtër nga Presidenca.
