Jo të gjitha marrëdhëniet kanë për qëllim të zgjasin, dhe mbajtja e diçkaje vetëm nga frika, zakoni ose egoizmi mund të na bëjë më shumë dëm sesa mirë. Megjithatë, ka raste kur në një marrëdhënie ia vlen vërtet të luftosh.
Kur ia vlen të provosh në një marrëdhënie?
Kur ka respekt të ndërsjellë
Nëse dy njerëz respektojnë njëri-tjetrin, edhe në kohë të vështira, atëherë ekziston një themel për të ndërtuar diçka të shëndetshme.
Kur ka komunikim
Komunikimi është oksigjeni i një marrëdhënieje. Nuk do të thotë se nuk do të ketë keqkuptime apo konflikte, por nëse ka vullnet për të folur, dëgjuar dhe kuptuar njëri-tjetrin, atëherë ka shpresë.
Kur ka përpjekje nga të dyja palët
Ju nuk mund të mbani një marrëdhënie vetëm. Nëse shihni se tjetri po përpiqet me ju, atëherë i’a vlen të qëndroni dhe të punoni së bashku.
Kur nuk ia vlen të provosh?
Kur ka toksicitet (sjellje manipuluese, dhunë psikologjike ose fizike)
Kur përpiqet vetëm një person dhe tjetri e merr marrëdhënien si të mirëqenë
Kur je e/i shtypur dhe e humb veten
Kur keni frikë të jeni vetvetja në një lidhje
Kur qëndroni vetëm nga frika apo zakoni
Dashuria nuk është e lehtë, por nuk duhet të jetë as një mundim i vazhdueshëm. Një marrëdhënie e vlefshme është ajo që ju bën të ndiheni të sigurt, të lidhur dhe në zhvillim, edhe përmes vështirësive.
Kur të ndihmon të bëhesh njeri më e/i mirë
Një marrëdhënie nuk duhet të jetë një burg, por një hapësirë për zhvillim. Nëse mendoni se personi tjetër ju frymëzon të bëheni më të mirë dhe të mos nënçmoni veten, atëherë kjo ka vlerë, shjruan Revista Psikologjia.
Kur ka ende dashuri
Jo dashuri romantike, e idealizuar, por kujdesi i thellë, shqetësimi, dëshira për ta parë mirë tjetrin edhe kur gjërat janë të vështira.
