Kreu i LDK-së, Lumir Abdixhiku, ka refuzuar kreun e VV-së, Albin Kurti, për një takim para formimit të Qeverisë.
Në anën tjetër, Glauk Konjufca tha se presin që ta formojnë qeverinë me koalicion, ndërsa që Albulena Haxhiu tha se nëse nuk e formojnë qeverinë, do të shkojnë në zgjedhje të reja.
Lidhur me këtë çështje në një prononcim për GazetaBlic, ka reaguar ish-ambasadori i Kosovës në Maqedoninë e Veriut, Gjergj Dedaj, i cili thotë se Kurti dhe LVV e kanë dështuar shtetin e Kosovës, ku shton se nuk duhet asnjë subjekt politik opozitar t’ia mundësoj Kurtit edhe një mandat.
“Mendimi im personal është se Albin Kurti dhe LVV e kan dështuar shtetin e Kosovës,e kanë dëmtuar partneritetin Euroatlantik, e kan varfëruar dhe gjunjëzuar Kosoven dhe se nuk do duhej asnjë subjekt politik opozitar te ia mundësoj Kurtit udhëheqjen dhe demolimin e mëtejmë të Republikës së Kosovës.Nese ai për dy mandate Kosovës i ka shkaktuar vetem dëme, pse duhet ai të kërkoj një mandat të tretë dhe pse duhet paryitë opozitare ta ndihmojne tutje agonine dhe falimentimin e shetit të Kosovës”, tha ai.
Dedaj thotë se Kosovës nuk i duhet një kryeministër antiamerikan dhe antievropian, i cili i ka dëmtuar raportet jo vetëm ato ndërkombëtare por edhe ato me vendet fqinje.
“Kosovës nuk i duhet një kryeminister antiamerikan e antieuropian, një populist dhe një nihilist egocentrik me mentalitet dhe doktrinë politike staliniste, i cili i ka dëmtuar raportet jo vetem ato nderkombëtare,por edhe ato brenda Kosoves, me Shqipërinë,me RMV dhe te gjitha vendet fqinje. Në këto rrethana gjeopolitike dhe zhvillime dramatike ne botë më së paku Kosova ka nevojë për një kryeminister i cili është konfliktuoz, që nuk njeh Kushtetuten dhe Prokurorinë e Kosovës dhe ai duhet ose të jap dorëheqje ose të ndëshkohet me mos dhenjen e besimit dhe votës opozitare!”, tha ai.
Ndër të tjera ai thekson se Kurti në emer të shtrirjes së sovranitetit në veri të Kosovës, po e rrezikon sovranitetin e plotë dhe shtetësinë e Republikës së Kosovës.
“Kurti gjoja në emër të shtrirjes së sovranitetit fiktiv në Veri të Kosovës, po e rrezikon sovranitetin e plotë dhe shtetësinë e Republikës së Kosovës. Dhe dyshohet se një gjë të tillë edhe mund ta bejë në koordinim me autoritetet zyrtare të Serbisê, derisa nuk është koordinuar me SHBA,BE dhe NATO-n!”, përfundoi ai për GazetaBlic.
