Lionel Messi shënoi në ndeshjen ndaj Torontos në MLS për t’i fituar një pikë ekipit të tij Inter Miamit të dielën.
Messi po shpërblehet për karrierën e tij në MLS, atje ku po luan së bashku me Luis Suarez, Jordi Alba dhe Sergi Busquets nën urdhrat e Javier Mascheranos.
Lidhja që kanë mes vete ish-yjet e Barcelonës e bëjnë Inter Miamin një kërcënim për skuadrat në Amerikën e Veriut, por tetë herë fituesi i Topit të Artë po i afrohet fundit të karrierës.
Në vitin 2021, kontrata që ai kishte nënshkruar në ‘Camp Nou’ katër vite më parë u zbulua nga mediumi spanjoll El Mundo, dhe shuma që u përfshi aty ishte padyshim kontrata më luksoze në histori të sporteve.
Barcelona mori shpërblimet e saj gjithashtu, duke fituar La Ligan dhe Kupën e Mbretit dy herë para skadimit të asaj kontrate, sipas së cilës Messi fitoi plotë 555 milionë euro neto për katër vite.
Pas zbritjeve, ish-legjenda e Barcelonës besohet se ka çuar në shtëpi rreth 297 milionë euro.
“Kjo figurë është paga fikse, të drejtat e imazhit, një seri bonusesh multi milionëshe, shtesat ditore dhe shtesa të tjera varësisht nga objektivat”, kishte raportuarEl Mundo.
Shpërblimi i Messit ishte i lidhur pjesërisht me numrin e ndeshjeve që kishte luajtur dhe kualifikimin e Barcelonës në Ligën e Kampionëve, të cilat të dyjat ishin të garantuara gjatë kohës së kontratës në fjalë.
Si rezultat, Messi ishte paguar rreth 210 mijë euro në ditë pas zbritjeve mes 2017 dhe 2021, transmeton Telegrafi.com
Kjo do të thotë se mesatarisht në javë ai ka fituar 1.4 milionë euro, dy herë më shumë se Kevin Durant.
