Çmimet e karburanteve kanë shënuar një rënie të ndjeshme prej 8 për qind, duke arritur nivelin më të ulët që nga viti 2021.
Kjo rënie lidhet drejtpërdrejt me shqetësimet për përshkallëzimin e një lufte tregtare, e cila mund të godasë rëndë ekonominë globale.
Ai cili ka theksuar se këto lëvizje në tregun ndërkombëtar pritet të reflektohen edhe në tregun vendas.
“Sipas zhvillimeve të fundit dhe tarifave të vendosura nga Presidenti amerikan Donald Trump, çmimet e derivateve janë në rënie. Një litër naftë ka gjasa të bjerë nga 1.21 euro në 1 euro, ndërsa edhe çmimi i benzinës pritet të jetë më i ulët se 1.31 euro për litër. Megjithatë, gjithçka varet nga lëvizjet në bursat ndërkombëtare”, deklaroi Berjani.
Ai shtoi se për Kosovën, një çmim prej 1 euro për litër do të ishte ideal, por theksoi se ky zhvillim është i lidhur me dinamikat globale.
Berjani gjithashtu apeloi për gatishmëri institucionale, duke theksuar se autoritetet vendore duhet të përshtaten me ndryshimet që vijnë nga tregu ndërkombëtar
“Institucionet kosovare duhet të jenë të përgatitura për çdo zhvillim që ndodh në arenën globale, sepse ndikimi ndjehet edhe te ne”, u shpreh ai për Telegrafin.
