Zafir Berisha nga Nisma Socialdemokrate ka reaguar në lidhje me letrën e kryeministri në detyrë, Albin Kurti, të dërguar kreut të LDK-së, Lumir Abdixhikut, përmes së cilës e fton për konsultime.
Berisha këtë ftesë e ka quajtur djallëzore, duke u shprehur se jo rastësisht i ka bërë ftesë fillimisht LDK-së, percjell Klan Kosova.
“Ftesa e Albinit për LDK është djallëzore! Pas deklaratave të djeshme se Serbia po e pengon në bërjen e qeverisë, tash po kërkon nga “hajvanat” me i thënë jo, për me i radhitë sipas logjikës së tij mashtruese, në anën e Serbisë. Jo rastësisht i ka bërë ftesë fillimisht LDK, votuesit e saj janë target në zgjedhjet e jashtëzakonshme që po e përgatitë me çu Kosovë”, ka shkruar Berisha.
