Deputeti i LDK-së, Besian Mustafa ka reaguar, pasi ministrja e Artane Rizvanolli ka thënë se gjatë qeverisjes së tyre, importi i rrymës ka rënë.
Mustafa përmes një postimi në Facebook, ka shkruar se “sipas grafikut që vetë ministrja ka publikuar, në këto 9 vite
– importi më i madh në sasi ka qenë në vitin 2021, viti i parë i kësaj qeverie, plot 1.52 TWh,
– importi i dytë më i madh 1.41 TWh ka qenë në 2023, prap gjatë kësaj qeverie,
– importi i tretë më i madh 1.37 TWh ka qenë në 2024, prap gjatë kësaj qeverie”, ka shkruar Mustafa.
Ai ka thënë se në 3 nga 4 vitet e kësaj qeverie kemi importin më të madh të rrymës gjatë kësaj periudhe, shkruan lajmi.net.
“Edhe për dështimet e kësaj qeverie ministrja tenton me fajësu’ gjithkend, brenda e jashtë Kosovës, veq veten jo. A ka harru që Nagipi i partisë së saj është arrestu për dallevere me tendera dhjetëra miliona euro a?!
Me këtë logjikë po doni me arsyetu’ rritjen e çmimeve të rrymës a? Me këtë import të lartë e me çmime edhe më të larta, kush përfiton? Qytetarët dhe fabrikat jo. Përfitojnë veq tregtarët e rrymës si Martini e GEN-i”, ka shkruar Mustafa.
