Cristiano Ronaldo ka realizuar dopietë në ndeshjen e fundit në ligën arabe, duke regjistruar në total 931 gola në karrierë ndërsa sa i përket aventurës së tij me Al Nassr, ai deri më tani ai ka shënuar 94 herë.
Al Nassr i është rikthyer luftës për titull në Saudi Pro League, ndërsa të premten mori një fitore mjaft të rëndësishme përballë një rivali direkt, siç është Al Hilal.
Skuadra u udhëhoq nga portugezi Cristiano Ronaldo, i cili realizoi një dopietë dhe dhuroi një tjetër performancë fantastike.
Goli i tij i parë erdhi në minutën e 47’, pasi u shërbye brenda zonës së rreptësisë nga senegalezi Mane.
Dy minuta para fundit, ai ktheu në gol një 11-metërsh, duke ekzekutuar saktë në qendër të katërkëndëshit.
Një fitore kjo e rëndësishme për Al Nassr, që renditet i treti në kampionat, por dhe për Ronaldon, që numëron 84 realizime me skuadrën e tij që prej kalimit në Arabinë Saudite.
Jo vetëm kaq, por 40-vjeçari synon që të arrijë kuotën e 1 mijë golave në karrierë, edhe pse do të jetë e vështirë, pasi deri më tani ka 931 realizime.
Synimi i tij mund të duket i vështirë për t’u arritur, megjithatë, në fund të ndeshjes, portugezi u shpreh se nuk po lufton vetëm për të arritur 1 mijë gola, por për të ndihmuar skuadrën e tij në fitimin e trofeve.
