Një punëtor ka vdekur si pasojë e shembjes së dheut ne Veternik të Prishtinës.
Lajmin për Klankosova.tv e ka konfirmuar Drejtori i Zjarrfikësve në Prishtinë, Abdusamed Shkodra.
Ai bëri të ditur se ata kanë arritur ta shpëtojnë personin e parë, i cili kishte qenë i mbuluar nga dheu deri te gjysma e trupit, ndërsa personi i dytë është dashur të gjurmohet për t’u gjetur.
“Forcat e zjarrfikësve kanë marrë lajmin në orën 12:10, që në Veternik, ish rruga e Shkupit se ka rrëshqitje te dheut, kanë vrejtë një person i kapluar nga dheu deri te gjysma e trupit dhe personin e parë e kanë nxjerr brenda pak kohe. Mund të jetë vetëm i lënduar, ndërsa personin e dytë është dashur të gjurmohet diku rreth orës 14:40 minuta është nxjerr personi i dytë ku ekipet mjekësore e kanë konstatuar vdekjen e tij”.
Klankosova.tv ka kontaktuar edhe me Policinë e Kosovës por të njëjtit deri në momentin e publikimit të artikullit nuk kanë dhënë informacione.
Raportohet se vendi ku është shembur dheu ishte një vendpunishte
