Melinda French Gates, ish-bashkëshortja e miliarderit Bill Gates, foli hapur për divorcin e saj në librin e saj The Next Day.
Ajo thotë se gjithçka nisi të ndodhte në fshehtësi, një vit para se të vinte certifikata zyrtare e divorcit,
Ajo ka dhënë edhe një intervistë në lidhje me këtë për revistën People, ku ka thënë se qysh në vitin 2019 ka filluar të shohë ankthe “për një shtëpi të bukur që po shembej rreth saj”.
Më vonë ajo i kuptoi si sinjale se kishte probleme në martesën e saj.
Terapia si përgjigje ndaj “tradhtisë martesore”
Në shkurt, çifti ishte me pushime në New Mexico. Natën e fundit të udhëtimit, Melinda i tha Billit se donte të jetonte veçmas dhe se do të jetonte me vajzën e tyre më të vogël, Phoebe. “Ishte një nga bisedat më të frikshme që kam pasur ndonjëherë”, thekson Melinda, duke shtuar se Bill ishte i kuptueshëm pavarësisht gjithçkaje. Për të gjitha, ajo filloi terapinë, të cilën e cilësoi si përgjigjen e saj “për tradhtitë në martesë dhe një përpjekje për të mos tradhtuar veten”.
Kujtojmë, Bill dikur e përshkroi divorcin si një nga gabimet më të mëdha të jetës së tij. “Janë më shumë, por asnjëra prej tyre nuk ka rëndësi. Divorci ishte i dhimbshëm për Melindën dhe mua për të paktën dy vjet”, theksoi ai. Melinda tha më pas se e dinte se “do të ishte mirë vetë” pasi të divorcohej, transmeton Indeksonline.
Bill Gates dhe Melinda French Gates u martuan në vitin 1994 dhe së bashku kanë vajzat Jennifer (28) dhe Phoebe (22) dhe djalin Rory (25). Ata konfirmuan lajmin e divorcit të tyre në maj 2021 pas 27 vitesh martesë. Ata thuhet se ishin ndarë për një vit para konfirmimit
