Deputeti nga radhët e Lidhjes Demokratike të Kosovës, Alban Zogaj ka deklaruar se LDK mbetet parti e institucioneve dhe interesave të qytetarëve, Sulmet nga të gjitha anët vetëm e vërtetojnë se jemi faktori kyç në politikën e Kosovës, përcjell InLajmi.
Zogaj tha se vendimet e LDK-së i përcakton vetëm elektorati i saj, duke mohuar çdo ndikim nga pushteti apo palë të tjera politike. Ai në fund tha se LDK s’është dorë e zgjatur e askujt dhe as nuk do të jetë.
Postimi i plotë i tij:
LDK është dhe mbetet parti e institucioneve, e ligjit dhe e qytetarëve. Sulmet nga të gjitha anët vetëm e vërtetojnë se jemi faktori kyç në politikën e Kosovës!
Askush pos elektoratit të LDK nuk determinon vendimet tona. As pushteti, as kampet tjera. Nuk hymë në pazare politike dhe nuk marrim vendime për kalkulime afatshkurtra. Ne jemi këtu për Kosovën dhe qytetarët e saj. LDK s’është dorë e zgjatur e askujt dhe as nuk do të jetë. /InLajmi/
