Mëngjesin e sotëm ka qenë i ftuar në studion e “Wake Up”, artisti i njohurG-Bani,po ashtu dhe ish-banor i “Big Brother VIP 4”. Ai ka folur më shumë për eksperiencën e tij brenda shtëpisë më të famshme në Shqipëri, por duke komentuar edhe situatat e fundit të ndodhura mes banorëve…
Cila ishte gjëja me e mirë që të ka ndodhur në shtëpi?
Gjëja më e mirë që mora, ishte fakti që shumë njerëz njohën një Arban pa filtra, kush jam unë, e gjitha kjo më ndihmon që njerëzit të më pranojnë me të mirat e të këqijat te mia në përditshmëri.
Kush janë banorët që ti i ke pasur më shumë afër?
Livia dhe Lori janë dy banoret që i përqafoja dhe ndihesha mirë. Ndaj meje kanë qenë të çiltra, të sinqerta. Unë kam një veti që e gjej sinqeritetin edhe aty ku nuk ekziston, por tek ato nuk kishte nevojë se ishte aty.
Si e komenton situatën tënde me Valbonën?
Ndodhën shumë dinamika, është shumë e pabesueshme. E kam shumë xhan Valbonën, mendoj se kemi qenë dy personat më dinamikë aty brenda. Më vjen keq që doli, i ka dhënë shumë shtëpisë. Çfarë ka bërë Aldo, çfarë ka bërë Laerti, Danja? Valbona ka bërë lojë dinamike, ka ngritur zërin për veten e vet dhe për të tjerë. Kemi qenë të ngjashëm që e ngrinim zerin të dy. Simpati kam pasur, jo pëlqim, ishte si tip hakmarrje për pjesën e dushit. Iu futa pykë në lidhjen me Laertin, percjell T.CH.
Nëse do të kishe një kuti Pandore, çfarë vendimi do të merrje?
Unë dhe Danja në nominim kokë më kokë që të ikte ajo e të qetësohesha. Vetëm kur jam futur tek shpella jam qetësuar. Nuk haja dot, rashë nga pesha.
