Deputeti shqiptar në Kuvendin e Serbisë, Shaip Kamberi i ka shkruar një letër presidentit të Serbisë, Aleksandër Vuçiç.
Përmes kësaj letre ai iu ka përgjigjur Vuçiçit se nuk do të merr pjesë në konsulatën për themelimin e qeverisë së re.
”Njoftova Presidentin se nuk shoh të arsyeshme të bëhem pjesë e një procesi të rrejshëm të demokracisë, sa për të përmbushur formën, ndërkohë që bashkëkombasit e mi mbeten pakica skajshmërisht e diskriminuar në sistemin shtetëror në 13 vitet e fundit” ka shkruar Shaip Kamberi duke publikuar edhe letrën e plotë, shkruan Kosova Press.
Presidenti i Serbisë, Aleksandër Vuçiç bëri me dije se konsultimet për formimin e qeverisë së re fillojnë këtë të hënë. Megjithatë, edhe pse janë dërguar ftesa për partitë parlamentare, anëtarët e opozitës parlamentare thonë se opsioni i vetëm që ata do të pranojnë është një qeveri kalimtare e besimit të popullit. Ata e shohin thirrjen për konsultime si një tallje të procedurave demokratike.
