Palestra ‘Karagaqi’ ishte vendi ku u zhvillua përballja e dy gjigandëve të basketbollit kosovar, Pejës dhe Prishtinës.
Sonte skuadra pejane ishte superiore duke i deklasuar kryeqytetasit me plot 30 pikë epërsi.
100 me 70 përfundoj ndeshja.
Fillimisht ishte Prishtina që udhëhiqte me rezultat 29:20, pas çerekut të parë, por në fund Peja e fitoi ndeshjen.
Pjesa e parë e takimit u mbyll me dy pikë epërsi për mysafirët, 42:40.
Në çerekun e tretë gjendja ndryshoj, ku pejanët morën nën kontroll lojën duke fituar me rezultat 27:19.
E në çerekun e katër Peja e “shkatërroi” Prishtinën me rezultat 33 me 9.
Qendra Benas Griciunas ishte lojtari i spikatur i Pejës me 18 pikë, 11 kërcime dhe tre asistime. Darryl Morsell shënoi 15 pikë, ndërsa Tristan Ipke përfundoi me 10 pikë dhe tetë kërcime. Dardan Berisha shënoi 17 pikë dhe katër asistime, ndërsa Marquez Towns shënoi 18 pikë dhe pesë asistime.
Për Prishtinën, Rashid Mahalbashiq shënoi 10 pikë dhe rrëmbeu 13 kërcime. Muhamedali Janjeva shënoi 12 pikë dhe 13 kërcime, ndërsa Ricky Tarrant 13 pikë, Klan Kosova.
Peja ka 40 pikë në vendin e katërt, dy xhiro nga fundi. Rekordi i Pejës është 14 fitore dhe 12 humbje. Prishtina mbetet e treta me 42 pikë.
