Qeveria e Kosovës ka reaguar pas skandalit ku kryeministri Albin Kurti është mashtruar nga mashtruar nga dy komedianë rusë, të cilët iu paraqitën atij si presidenca letoneze.
Në reagim, qeveria tha se ngjarja ka ndodhur më 11 shkurt, pak pas zgjedhjeve të 9 shkurtit, në një periudhë kur Kurti po pranonte mesazhe të shumta urimi dhe thirrje për rezultatin e zgjedhjeve.
“Për shkak të kohës, jo gjithmonë ishte e mundur të kryheshin verifikimet e plota të çdo telefonate. Ky incident fatkeq përforcon atë që kemi e ditur prej kohësh: Rusia është e fiksuar pas Kosovës dhe vazhdon ta ketë cak vendin tonë”.
Gjatë fushatës zgjedhore për zgjedhjet parlamentare të 9 shkurtit, Sputnik Serbia dhe Russia Today (RT) publikuan mbi 60 lajme të rreme dhe artikuj dezinformues, duke ndërhyrë në procesin tonë demokratik, siç dokumentohet nga Misioni i BE-së për Vëzhgimin e Zgjedhjeve”, thuhet në reagim, transmeton Klankosova.tv.
“Më tej, qeveria tha se teksa iu vjen keq që Kurti u bë shënjestër e një thirrje të tillë, ky episod rikonfirmon qëndrimet “parimore dhe konsistente të kryeministrit Kurti për çështje kyçe, si në biseda publike ashtu edhe në ato private”.
