Skuadra e Trepçës në basketboll ka triumfuar në ndeshjen e sotme ndaj Vëllaznimit.Rezultati përfundimtar i këtij takimi ishte 63:59.
Megjithatë, një gjë e paparashikueshme ndodhi në fund të ndeshjes, atje ku pati një përplasje tek skuadra e Trepçës.Trajneri Adis Beciragic iu vërsul basketbollistit të tij, Mikaile Tmusic, ku u desh ndërhyrja e lojtarëve të tjerë për të mos eskaluar situatën.
Duket se tashmë gjërat janë qetësuar pak dhe basketbollisti Tmusic, i ka kushtuar një postim të veçantë trajnerit të tij, përcjell Gazeta Blic.
“E di që dukej keq, por kjo është arsyeja pse jemi kampionë gjatë gjithë këtyre viteve, sepse e duam lojën si askush tjetër me të njëjtin pasion. Në fund të ditës, jemi vetëm njerëz, vetëm dashuri dhe respekt për BABA Adisin”, ka shkruar Tmusic.
