Kompania Kosovare për Distribuim të Energjisë Elektrike (KEDS), ka njoftuar se për shkak të erërave të forta që ishin mbrëmjen e së mërkurës dhe gjatë paraditës së sotme, në disa rajone konsumatorët kanë mbetur pa energji elektrike, përcjell InLajmi.
KEDS njofton se si pasojë e këtyre erërave, të cilat sipas parashikimeve të motit do të zgjasin edhe gjatë ditës së sotme, në disa lokacione janë shkaktuar edhe dëme në rrjetin elektrik shpërndarës.
KEDS njofton se ekipet në teren janë duke punuar në sanimin e këtyre dëmeve.
Njoftimi i plotë nga KEDS:
Si pasojë e erëra të forta, të cilat filluan gjatë paraditës së sotme, duke afektuar një pjesë të konsiderueshme të vendit, një numër i caktuar i konsumatorëve nëpër disa rajone ka mbetur pa energji elektrike.
Si pasojë e këtyre erërave, të cilat, sipas parashikimeve, do të zgjasin edhe për disa orë, në disa lokacione janë shkaktuar edhe dëme në rrjetin elektrik shpërndarës.
Ekipet e KEDS-it kanë dalur në terren menjëherë dhe po punojnë në mënyrë intensive për të rikthyer në normalitet furnizimin me energji elektrike për konsumatorët e afektuar, për çka kërkojmë mirëkuptimin e tyre. /InLajmi/
