Një avion pasagjerësh ishte pak metra larg përplasjes me një helikopter mbi aeroportin Stansted të Londrës.
Avioni i kompanisë “Ryanair” kishte 178 pasagjerë në bord kur një gabim i ndihmëspilotit, i cili harroi të informonte kapitenin që kishte fikur autopilotin, shkaktoi një rrezik për një përplasje.
Avioni, i cili po i afrohej Aeroportit të Stansted pas një fluturimi dy-orësh nga Szczecin në Poloni, ishte në një lartësi rreth 3,000 metra kur ndodhi ky problem në kabinën e pilotëve. Pas një ndihme për komandimin e avionit, ndihmëspiloti i dorëzoi kontrollin kapitenit për të konfiguruar avionin për uljen. Megjithatë, kapiteni nuk ishte në dijeni se autopiloti ishin çaktivizuar.
Kjo humbje e kontrollit bëri që avioni të zbriste rreth 550 metra, derisa kapiteni kuptoi problemin. Ai ishte futur në një zonë të ndaluar të pa aprovuar nga Kulla e Kontrollit. Në atë moment, një helikopter ishte duke fluturuar pak më shumë se 2 mijë metra lartësi.
Hetuesit përkatës kanë zbuluar se avioni ishte 300 metra mbi helikopterin dhe 1.7 milje larg tij. Pas marrjes së kontrollit, kapiteni ngriti avionin përsëri në 3,000 metra dhe përfundoi uljen pa incidente.
Kjo ngjarje ka ngjashmëri të frikshme me një aksident të ndodhur në janar 2024 mbi Washington D.C., ku një avion u përplas me një helikopter ushtarak amerikan, duke shkaktuar vdekjen e 67 personave, shkruan A2 CNN.
Raporti i hetuesve tregon se ndihmëspiloti nuk kishte eksperiencën e mjaftueshme dhe nuk e kishte ndjekur praktikën e zakonshme të uljes.
