Asociacioni i Gazetarëve të Kosovës ka reaguar ashpër pas fyerjeve dhe kërcënimeve të bëra nga anëtari i KQAZ-së nga radhët e Vetëvendosjes, Sami Kurteshi, ndaj gazetarëve që ishinn të pranishëm në Qendrën e Numrimit të Votave, përcjell InLajmi.
AGK tha se këto fyerje e kërcënime nga ana e tij janë të ripërsëritshme, ndaj mediave dhe gazetarëve.
“ (AGK) dënon fuqishëm fyerjet dhe kërcënimet e përsëritura të anëtarit të Komisionit Qendror të Zgjedhjeve (KQZ), Sami Kurteshi, ndaj mediave, përfshirë një deklaratë skandaloze të bërë këtë të mërkurë. Gjatë një pyetje drejtuar atij nga gazetarja e Gazeta Nacionale, Besarta Hoti, Kurteshi është përgjigjur me fjalët: “Ju jeni media kriminale, të vrasësve me pagesë.”AGK-ja e konsideron këtë deklaratë si të papërgjegjshme, të papranueshme dhe të rrezikshme. Akuza e tillë, e paprecedent ndaj një medie, nga një zyrtar i lartë i partisë në pushtet, jo vetëm që cenon lirinë e shtypit, por rrezikon edhe sigurinë e gazetareve”, thuhet në reagim.
AGK-ja I bën thirrje që Lëvizjes Vetëvendosje që urgjentisht të sigurojë që përfaqësuesi i saj në KQZ të mos pengojë punën e gazetarëve dhe të përmbahet nga gjuha fyese dhe kërcënuese ndaj mediave. Sulmet verbale ndaj gazetarëve janë të papranueshme dhe cenojnë seriozisht lirinë e medias në Kosovë.”/InLajmi/
