Mërgim Lushtaku kandidat për deputet nga radhët e Partisë Demokratike të Kosovës ka falenderuar votuesit që ia dhanë mundësinë edhe për një mandate të tjetër si deputet në Kuvendin e Kosovës, përcjell InLajmi.
Lushtaku ndër të tjera tha se besimi juaj nuk është vetëm një nder, por një obligim i madh për të çuar përpara punët, për të mbrojtur interesat e qytetarëve tanë dhe për të ndërtuar një të ardhme më të mirë për vendin. Sfida për të bërë ndryshime reale kërkon angazhim të pandalur, vizion të qartë dhe vendime të guximshme.
Postimi i tij i plotë:
Faleminderit për besimin – Koha për angazhim edhe më të madh!
Me përulësi dhe mirënjohje ju falënderoj për mbështetjen tuaj të vazhdueshme! Kjo është hera e katërt që më besoni përfaqësimin tuaj, dhe rritja e mbështetjes suaj më motivon edhe më shumë për të punuar me përkushtim, përgjegjësi dhe vendosmëri.
Besimi juaj nuk është vetëm një nder, por një obligim i madh për të çuar përpara punët, për të mbrojtur interesat e qytetarëve tanë dhe për të ndërtuar një të ardhme më të mirë për vendin. Sfida për të bërë ndryshime reale kërkon angazhim të pandalur, vizion të qartë dhe vendime të guximshme.
Rruga jonë vazhdon me vendosmëri dhe besim! Çdo sfidë është një mundësi për të dëshmuar se me bashkim dhe përkushtim mund të arrijmë më shumë. Ju falënderoj nga zemra për mbështetjen dhe besimin tuaj!
Bashkë përpara! /InLajmi/
