Ndoshta nuk ka zgjidhje magjike, por ky ndryshim në mënyrën se si përdorim rrjetet sociale është i lehtë, i shpejtë dhe ka rezultate reale. Nuk e themi vetëm ne, por edhe Madeleine Aggeler, gazetare për “Guardian”, e cila vendosi të vendosë në opsionin “mute/hesht” persona të ndryshëm.
Fillimisht, “mute/hesht” nënkupton një opsion që bën mos të të dalin postimet e personit që ti zgjedh, por pa e fshirë nga lista e miqve.
“Kam vendosur mute/hesht për disa njerëz. Për disa nuk dua të bëj unfollow (heq nga lista e ndjekësve). Për të tjerë kam bërë edhe unfollow dhe mute, sepse mundet që dikush tjetër ta ripostojë një postim të atij personi dhe të më prishë ditën time të qetë.”, shprehet ajo.
Kolegë të pasjellshëm, mikeshën që të urren në heshtje apo njerëz që të sjellin kujtime aspak të këndshme.
“Njëri prej tyre është një koleg që më është sjellë keq disa vjet më parë për një çështje pune, ndërsa një tjetër ishte i vrazhdë ndaj një miku tim.”, shpjegon Aggeler.
“Kur shikoja postimet e tyre, ndihesha e zemëruar, pasi më sillnin ndërmend kujtime aspak të bukura. Fatmirësisht, nuk duhet t’i mendoj më sepse i kam bërë mute pothuajse në të gjitha platformat. Nëse nuk i përmend dikush tjetër, zakonisht harroj që ekzistojnë. I kam larguar ato nga mendja dhe jeta ime, pa e kuptuar as ata fare.”
Përvojën e saj e konfirmon edhe Bailey Parnell, krijuese dhe presidente e Qendrës për Mirëqenien Digjitale:
“Kur vendos mute për llogaritë që të shqetësojnë sistematikisht, vendos kufij për të krijuar një mjedis më të shëndetshëm digjital. Me këtë mënyrë mbron shëndetin tënd mendor, ndërkohë që nuk krijon konflikte me të tjerë dhe tregohesh profesionale.”
Duket e lehtë, por nuk është kaq thjeshtë. Madje disa postime që na shqetësojnë mund të na japin edhe kënaqësi, ndonëse duket kontradiktore.
“Nëse jeta jonë është monotone, ndjehemi të mërzitur ose të zhgënjyer, konsumimi i materialeve të caktuara mund të bëhet një lloj argëtimi ose shpërqendrimi”, shton ajo.
Nga ana tjetër, mund të përdorim rrjetet sociale kryesisht si një burim të shpejtë për informacione pozitive, edukim dhe kontakte me njerëz që përshtaten me ne, shkruan Revista Anbel.
Me këtë logjikë, “mute” është opsioni më i preferuar për t’u përdorur për njerëzit që na shqetësojnë çdo ditë pa na ofruar asgjë.
