Mbrëmjen e së shtunës një zjarrë i madh ka shpërthyer në Bjeshkët e Deçanit, ku ka kërkuar ndihmë të vullnetarëve për shuarjen e zjarrit kryetari i kësaj komune Bashkim Ramosaj, ndërsa sot ka reaguar edhe kryetari i Alencës për Ardhmërinë e Kosovës Ramush Haradinaj, përcjell InLajmi.
Haradinaj ka thënë se Jam në kontakt të vazhdueshëm me kryetarin e Komunës së Deçanit, Bashkim Ramosaj, dhe falë reagimit të shpejtë të komunës, ekipet e zjarrfikësve dhe shumë qytetarë vullnetarë janë mobilizuar për ta përballuar situatën.
Postimi i plotë i tij:
Shpërthimi i zjarreve në Bjeshkët e Deçanit, saktësisht në zonën e Kullës së Qelisë, është shqetësues për shkak të përmasave të tij dhe rrezikut që paraqet. Jam në kontakt të vazhdueshëm me kryetarin e Komunës së Deçanit, Bashkim Ramosaj, dhe falë reagimit të shpejtë të komunës, ekipet e zjarrfikësve dhe shumë qytetarë vullnetarë janë mobilizuar për ta përballuar situatën.
Falënderoj secilin që po kontribuon në këtë betejë me zjarret. Apeloj për kujdes maksimal nga të gjithë qytetarët, sidomos ata që ndodhen pranë zonave të prekura, duke shmangur çdo veprim që mund të përkeqësojë situatën. /InLajmi/
