Pamja para presidencës së Serbisë në Beograd ka ndryshuar
Te zyra e Aleksandër Vuçiq janë vendosur me dhjetëra tenda.
Ata që i sollën thonë që ky veprim është kundërpërgjigje ndaj protestave masive që studentët po i bëjnë kundër regjimit të kryetarit të tyre.
Rojave civile të Vuçiqit mund t’iu bashkohen këtë muaj edhe qindra serbë të Kosovës.
Ata po planifikohet që të dërgohen në Beograd në mënyrë të organizuar për t’u bërë, siç thuhet, mburojë njerëzore për presidentin.
Për këtë janë deklaruar disa organizata, parti politike nga komuniteti serb në Kosovë.
Ish zëvendëskryeministri kosovar, Branimir Stojanoviq, që tani udhëheq subjektin Lëvizja popullore Serbe i tha gazetës Nedeljni se për të shkuar në Beograd po kërkohen burra që nuk kanë fëmijë.
Ata sipas tij do të paguhen për çdo ditë nga 20 deri në 50 euro dhe do të duhet që të rrinë para zyrës së Vuçiqit 25 ditë, transmeton Klan Kosova.
Të njëjtit do të ishin të shfrytëzueshëm t’i shtypur, siç thotë Stojanoviq, protestat studentore.
