Distria Krasniqi e ka fituar medaljen e argjendtë të premten në garën e Çmimit të Madh “Grand Prix Upper Austria”, në Linz të Austrisë.
Fituesja e dy medaljeve olimpike, ishte e pandalshme në këtë garë duke dominuar rivalet e saja në kategorinë deri në 52 kilogram.
Në duelin final, përballë japonezes Iroha Oi, Distria luftoi shumë por që nuk mjaftoi pasi rivalja e saj fitoi me wazzari medaljen e artë.
Rrugës deri në finale, ajo e mposhti Rekka Pupp në gjysmëfinale, derisa brenda 29 sekondave me Ippon e dominoj xhudisten serbe Nishaviq.
Ajo garën e kishte nisur me fitore të shpejt ndaj amerikanes, Jenna Schurr.
Kjo është medalja e dytë e Krasniqit në këtë vit, pas të bronztës në Paris, muajin e kaluar
