Një incident i papritur ka ndodhur menjëherë pas ceremonisë së varrimit të Mentor Palokajt, vëllait të reperit të njohur Unikkatil.
Sipas raportimeve, derisa turma po shpërndahej pas ceremonisë mortore, djali i Unikkatilit, Roni, është përfshirë në një konflikt fizik me një pjesëmarrës në varrim.
Përplasja mes tyre u përshkallëzua shpejt, duke bërë që të pranishmit të ndërhynin menjëherë për t’i ndarë.
Pamjet e publikuara në rrjetet sociale tregojnë momentet e tensionit, ndërsa të afërm dhe miq të familjes ndërhyjnë për të shmangur eskalimin e mëtejshëm të situatës.
Motivet që çuan në këtë incident ende nuk dihen, por ngjarja ka ngjallur reagime të shumta në rrjetet sociale.
Varrimi i Mentor Palokajt u mbajt në një atmosferë të ngarkuar emocionale, ku familja, miqtë dhe fansat e tij u mblodhën për t’i dhënë lamtumirën e fundit, shkruan Telegrafi.
Përplasja e ndodhur në një moment kaq delikat ka sjellë vëmendje të shtuar mbi ngjarjen, ndërsa pritet një reagim nga familja për të sqaruar rrethanat e incidentit.
