Pas rreshtimit të kuadrateve të FSK-së në kazermën “Adem Jashari” në Prishtinë, për shënimin e 27 vjetorit të popesë së Ushtrisë Çlirimtare të Kosovës, presidentja Vjosa Osmani ka deklaruar se muaji mars në Kosovë është një kujtesë e përhershme e heroizmit dhe vendosmërisë së popullit për liri.
Në këtë organizim janë duke marrë pjesë presidentja Vjosa Osmani, kryeministri Albin Kurti, Rifat Jashari, ambasador të akredituar në Kosovë, e personalitete të ndryshme.
Ceremonia ka filluar me intonimin e himnit shtetëror dhe kombëtar, ku më pastaj u bënë homazhe të obelisku i UÇK-së në kazermë.
Presidentja Vjosa Osmani, tha se epopeja e UÇK-së është një testament i përjetshëm i qëndresës, sakrificës dhe i pathyeshmërisë së popullit tonë, raporton Ekonomia Online.
“Marsi në Kosovë nuk është thjeshtë një muaj në kalendar është një kujtesë e përhershme e heroizmit dhe vendosmërisë së popullit për liri. Ky është vendi ku trashëgimia e komandantit legjendar Adem Jashari nuk është thjeshtë një kujtim, por është frymëzim për brezat e ardhshëm të ushtrisë sonë për gjithë kombin. Në kohët me të errëta ata ndezën dritën e shpresës, në sfida më të mëdha ata gjetën rrugën për të ecur përpara, ata u bënë mburojë”, tha Osmani, raporton Ekonomia Online.
Ajo ka thënë se Kosova ka fituar të ardhmen mbi sakrificë.
“Epopeja është një testament i përjetshëm i qëndresës, sakrificës dhe i pathyeshmërisë së popullit tonë. Kosova është dhe do të mbetet një histori suksesi një vend që ka fituar të ardhmen me një sakrificë”, tha Osmani.
