Prokuroria Themelore në Prishtinë më 27 shkurt 2025 ka kërkuar nga Gjykata Themelore në Prishtinë caktimin e masës së parburgimit ndaj të dyshuarve V.A., P.Sh., L.A dhe G.H., të dyshuar për rastin e dhunimit të së miturës në shkurt të këtij viti. Katër të dyshuarit gjenden nën masën e paraburgimit.
E mitura në këtë rast ishte viktimë e dhunimit edhe në tri raste të tjera, ndërsa rasti i saj njihet si “Rasti i 11-vjeçares”. Për këtë rast, janë ngritur dy aktakuza me 13 të akuzuar. Kurse, për rastin e tretë të dhunimit të viktimës dyshohen tre persona të tjerë, të cilët po ashtu gjenden nën masën e paraburgimit, raporton “Betimi për Drejtësi“.
Sipas kërkesë së Prokurorisë Themelore në Prishtinë të siguruar nga “Betimi për Drejtësi“, thuhet se V.A., më 1 shkurt 2025 në një motel në fshatin Shkabaj, Komuna e Obiliqit, me qëllim që të shfyrëzojë seksualisht të miturën (tani 14-vjeçe)- viktimë e ndjeshme, derisa ka qenë duke punuar si pastrues në motel dhe duke qenë në dijeni se është e vetme në një dhomë dhe nuk kishte mundësi të gjente strehim tjetër pasi që ishin orët e vona të natës, fillimisht i dërgon pije në dhomë viktimës dhe pastaj i organizon takim me dy persona tjerë ende të paidentifikuar përmes marrjes së përfitimeve, të cilët pasi paraqiten në motel kryejnë marëdhënie seksuale me të miturën.
Me këtë, V.A., dyshohet se ka kryer veprën penale “Trafikimi me njerëz” nga neni 165, paragrafi 2 lidhur me paragrafin 1 të Kodit Penal.
Më tej, thuhet se i pandehuri i dytë P.Sh., më 1 shkurt 2025 në motelin e njëjtë ka kryer marëdhënie seksuale me të miturën, në atë mënyrë që derisa e dëmtuara ka qenë e strehuar në këtë motel, i dyshuari në cilësi të recepsionistit me të kuptuar se viktima është e vetme, shfytëzon gjendjen e saj duke e ditur se e njëjta nuk mund të sigurojë strehim në ndonjë vend tjetër meqenëse ishte vonë hyn në dhomën ku ndodhej viktima dhe kryen aktin seksual, me këtë rast të dëmtuarës i është degraduar integriteti seksual.
Prandaj me këtë, P.Sh dyshohet të ketë kryer veprën penale “Dhunimi” nga neni 227, paragrafi 8 lidhur me paragrafin 7 e lidhur me paragrafin 4 nënparagrafi 4.7 të Kodit Penal.
Kurse, i pandehuri i tretë L.A., thuhet se me datë të njëjtë dhe në të njëjtin motel, ka kryer marëdhënie sekusuale me të miturën, në atë mënyrë që derisa e dëmtuara ka qenë e strehuar në këtë motel, i dyshuari në cilësi të pastuesit të motelit, me të kuptuar se viktima është e vetme në motel, shfytëzon gjendjen e saj, duke e ditur se ajo nuk mund të sigurojë strehim në ndonjë vend tjeter meqenëse ishte vonë, hyn në dhomën ku ndodhej viktima dhe kryen aktin seksual, me këtë rast të dëmtuarës i është degraduar integriteti seksual.
Me këtë, L.A., dyshohet se ka kryer veprën penale “Dhunimi” nga neni 227, paragrafi 8 lidhur me paragrafin 7 e lidhur me paragrafin 4, nëparagrafi 4.7 të Kodit Penal.
Dhe i pandehuri i katërt G.H., thuhet se më 1 shkurt 2025 në motelin e njëjtë, ka kryer marëdhënie sekusuale me të miturën, në atë mënyrë që derisa e dëmtuara ka qenë e strehuar në këtë motel, i dyshuari në cilësi të pastuesit me të kuptuar se viktima është e vetme në motel, shfytëzon gjendjen e saj, duke e ditur se ajo nuk mund të sigurojë strehim në ndonjë vend tjetër meqenëse ishte vonë, hynë në dhomën ku ndodhej viktima dhe kryen aktin seksual me të, me këtë rast të dëmtuarës i është degraduar integriteti seksual.
Me këtë, G.H., dyshohet se ka kryer veprën penale “Dhunim” nga neni 227, paragrafi 8 lidhur me paragrafin 7 e lidhur me paragrafin 4, nëparagrafi 4.7 të Kodit Penal.
Ndryshe, për rastin e dhunimit të viktimës së njëjtë e njohur si “Rasti i 11-vjeçares” po akuzohen edhe 13 persona në dy raste të ndara. Lidhur ne rastin e përfshirjes në dhunimin e 11-vjeçares në qershor të 2022-ës akuzohen tetë persona B.Rr., D.Rr., G.S., B.S., M.S., F.S., M.R., dhe E.S. Kurse, pesë të akuzuarit: E.R. dhe Sh.K., (madhor), si dhe tre të miturit G.R, G.J dhe Xh.S, akuzohen për përfshirje në rastin e dhunimit të 11-vjeçares, në muajin gusht të vitit 2022.
Gjykata Themelore në Prishtinë më 24 shkurt 2023, i kishte dënuar me 40 vite burgim (së bashku), katër të akuzuarit E.R., Xh.S., G.R., dhe G.J., ndërsa Sh.K., ishte liruar nga akuza.
Por, Gjykata e Apelit e ishte kthyer në rigjykim dhe rivendosje çështjen penale të dhunimit ndaj 11-vjeçares.
Në rigjykim, E.R., është dënuar me 14 vite dhe tre të tjerët G.R, G.J. dhe Xh.S. me nga 7 vite burgim nën akuzën se kanë dhunuar 11-vjeçaren. Për Sh.K është veçuar procedura.
Prokuroria Themelore në Prishtinë, Departamenti për të Mitur, pas zhvillimit të hetimeve dhe zgjerimit të tyre, mbledhjes dhe analizimit të provave, më 8 dhjetor 2022 kishte ngritur aktakuzë ndaj pesë personave: E.R. dhe Sh.K., (madhor), si dhe ndaj tre të miturve: G.R., G.J., Xh.S, të akuzuar për përfshirje në rastin i cili ka ndodhur në muajin gusht të vitit 2022, ndaj 11-vjeçares.
“Sipas aktakuzës, i pandehuri E.R., për veprat penale “Shërbimet seksuale të viktimës së trafikimit”, nga neni 228 paragrafi 7 lidhur me paragrafin 1 të KPRK-së dhe “Trafikimi me njerëz”, nga neni 165 paragrafi 2 lidhu me paragrafin 1 të KPRK-së, ndërsa i pandehuri Sh.K., ngarkohet për veprën penale “Shërbimet seksuale të viktimës së trafikimit”, nga neni 228 paragrafi 7 lidhur me paragrafin 1 të KPRK-së”, thuhej në njoftim.
Po ashtu, thuhej se njëri prej të miturve ngarkohet për veprat penale “Dhunimi”, nga neni 227, paragrafi 8 lidhur me paragrafin 7 dhe paragrafin 4 të KPRK-së, “Trafikimi me njerëz”, nga neni 165 paragrafi 2 lidhur me paragrafin 1 të KPRK-së dhe “Keqpërdorimi i fëmijëve në pornografi”, nga neni 232 par. 1 të KPRK-së.
“Ndërkaq, dy të miturit e tjerë ngarkohen për veprat penale “Dhunimi”, nga neni 227 paragrafi 8 lidhur me paragrafin 7 dhe paragrafin 4 të KPRK-së, si dhe për veprën penale “Keqpërdorimi i fëmijëve në pornografi”, nga neni 232 paragrafi 1 lidhur me paragrafin 2 të KPRK-së”, thuhej tutje.
Kurse, më 21 dhjetor 2022, Prokuroria Themelore në Prishtinë, kishte ngritur aktakuzë ndaj tetë personave të moshës madhore: B.Rr., D.Rr., G.S., B.S., M.S., F.S., M.R., dhe E.S., të akuzuar për përfshirje në rastin e dhunimit të 11-vjeçares në Prishtinë, në muajin qershor 2022.
Gjykata Themelore në Prishtinë – Departamenti për Mitur më 23 prill 2024 ka shpallur aktgjykim dënues ndaj akuzuarve B.R, D.Rr, B.S, M.S, F.S., dhe M.R, duke i dënuar me 62 vjet burgim (së bashku) për përfshirje në dhunimin e 11-vjeçares në qershor të 2022-ës. Kurse, G.S dhe E.S., u liruan nga akuza.
