Gjergj Dedaj ka thënë se ka pasur manipulime sa u përket votave në ambasada.
Dedaj madje i ka quajtur këto vota si vota Schwartz ose vota të Martinit duke iu referuar ministres së Punëve të Jashtme, Donika Gërvalla-Schwartz, dhe ambasadorit Martin Berishaj.
“Unë, votat e hedhura në kutitë e votimit në zarfat e hapura edhe pastaj ndoshta të rihapura nëpër ambasadat dhe konsullata i kam quajtur si vota Schwartz, ose votat e Martinit, sepse është e palogjikshme, është tepër transparente me e kuptu që këtu ka pasë një manipulim masiv”, ka thënë Dedaj në Edicionin Special të Klan Kosovës.
“Sepse votat janë familjarët. Të njëjtit njerëz në disaporë që kanë votu në ambasada dhe konsullata, dhe ata që kanë dërgu me postë, e dallimi 30 për qind është aq i madh sa që për çdo njeri, çdo qytetar të Kosovës është e qartë se aty ka pasur manipulim – ka pasë, nuk po them tash vjedhje, është fjalë e ranë, masovike, dhe me çdo qëllim dhe me çdo kusht sepse ish-kryeministri [Albin] Kurti, pushteti në largim ka luftuar me çdo mjet, me çdo metodë me i kalu 500 mijë vota, edhe me mujtë me e ba qeverinë vetëm”.
