Ministri i Punëve të Brendshme, Xhelal Sveçla, ka pritur në takim ambasadorin e Italisë në Kosovë, Antonello De Riu, i cili ishte i shoqëruar nga atasheu policor, Silvio Esposito, përcjell InLajmi.
Ministri Sveçla dhe ambasadori De Riu kanë diskutuar për angazhimet aktuale të Ministrisë së Punëve të Brendshme, situatën e sigurisë si dhe fuqizimin e bashkëpunimit bilateral.
Në këtë takim është diskutuar edhe mbi ecurinë e bashkëpunimit policor dhe për mundësitë e avancimit të këtij bashkëpunimi.
Njoftimi i plotë i Ministrisë së Punëve të Brendshme:
Ministri i Punëve të Brendshme, Z. Xhelal Sveçla, priti në takim Ambasadorin e Italisë në Kosovë, Antonello De Riu, i cili ishte i shoqëruar nga Atasheu Policor Silvio Esposito.
Ministria e Punëve të Brendshme dhe agjencitë e saj mbeten pjesë bashkëpunuese dhe proaktive me autoritetet italiane dhe është gjithmonë mirënjohëse për mbështetjen e vazhdueshme të Italisë në ngritjen dhe forcimin e kapaciteteve në zbatim të mandatit të saj./InLajmi/
