Kryeministri sllovak, Robert Fico ka dalë nga spitali ku po trajtohej, 2 javë pasi është plagosur rëndë nga të shtënat me armë.
Ai është transportuar nga qyteti i Banska Bystrica për të vazhduar shërimin e tij në Bratislavë, sipas raportimeve të fundit, shkruan BBC.
59-vjeçari po luftonte për jetën e tij pasi u qëllua katër herë nga një distancë e afërt në qytetin qendror të Handlova më 15 maj.
Fico thuhet se i është nënshtruar një sërë operacionesh, transmeton Ekonomia Online.
Nuk dihet ende nëse ai është dërguar në banesën e tij në Bratislavë apo është transferuar në një spital tjetër.
