Në nderim të rënies heroike të dëshmorëve Rasim Kiçina dhe Ragip Halilaj, Kryeministri i Republikës së Kosovës, Albin Kurti, bëri homazhe në Kompleksin Memorial në Marinë të Komunës së Skenderajt, përcjell InLajmi.
Kryeministri Kurti vendosi lule të freskëta në përkujtim të rënies heroike të 2 luftëtarëve të Ushtrisë Çlirimtare të Kosovës në betejën e ashpër me forcat serbe, thuhet në njoftimin e ZKM-së.
Duke ju falënderuar luftës së tyre e shokëve të tyre, dëshmorëve, veteranëve e invalidëve të luftës, dhe popullit mbarë, gëzojmë lirinë dhe e kemi shtetin, tha Kryeministri, duke ritheksuar se u jemi përjetë mirënjohës dhe falënderues.
Kryeministri tha se kjo duhet bartur brez pas brezi dhe institucionalizuar në muze në mënyrë që të mësohet historia e dëshmorëve, thuhet në njoftim.
Në bashkëbisedim me familjarët e dëshmorëve, Kryeministri Kurti vlerësoi kontributin e këtyre 2 familjeve patriotike dhe i falënderoi për qëndresën e tyre./InLajmi/
