Kryetari i PDK-së, Memli Krasniqi, së bashku me kolegë e bashkëpunëtorë ka bërë homazhe në Kompleksin Memorial në Marinë për të nderuar Rasim Kiçinën dhe Ragip Halilajn në 25-vjetorin e rënies së tyre, përcjell InLajmi.
Krasniqi tha se ideali për Kosovën e lirë e të pavarur, për të cilin ata u flijuan, është dëshmi se atdheu për ta ishte mbi të gjitha.
E përjetshme qoftë lavdia për heronjtë Rasim Kiçina e Ragip Halilaj, përfundoi Krasniqi.
Postimi i plotë i tij:
Sot, me kolegë e bashkëpunëtorë nga Partia Demokratike e Kosovës bëmë homazhe në Kompleksin Memorial në Marinë, për të nderuar heronjtë Rasim Kiçina dhe Ragip Halilaj, në 25 vjetorin e rënies së tyre në altarin e lirisë.
Ideali për Kosovën e lirë e të pavarur, për të cilin ata u flijuan – është dëshmi se atdheu për ta ishte mbi të gjitha.
E përjetshme qoftë lavdia për heronjtë Rasim Kiçina e Ragip Halilaj./InLajmi/
