Selektori i Italisë, Luciano Spalletti ka publikuar listën e futbollistëve që i ka përfshirë në listën preliminare për “Euro 2024”.
Në këtë listë, Spalletti ka ftuar 30-të futbollistë prej të cilëve do të largohen katër kur të bëhen lista finale prej 26 lojtarëve më datën 7 qershor. Në njoftimin e Federatës së Futbollit të Italisë, bëhet e ditur se grumbullimi i ekipit do të filloj në fund të këtij muaji (31 maj) në qendrën stërvitore në Coverciano.
Italia do të niset drejt Gjermanisë ku do të mbahet Evropiani më 10 qershor, ndërsa para kësaj date do t’i luajë dy ndeshje miqësore.
Më 4 qershor do të përballet me Turqinë, ndërsa 4 ditë më vonë do të luaj me Bosnjë e Hercegovinën, ndeshje këto që do të luhen në Itali, transmeton Tëvë1.
Në “Euro 2024”, Italia bën pjesë në Grupin B së bashku me Shqipërinë, Kroacinë dhe Spanjën.
