Deputeti nga radhët e Lidhjes Demokratike të Kosovës, Anton Çuni, ka thënë se LDK-ja është në mes të 2 mundësive; të vazhdojë punën Qeveria Kurti edhe për disa muaj apo t’i mundësohet edhe një mandat tjetër.
LDK-ja zgjedh opsionin e 2-të thekson Çuni.
“…Pas këtyre dështimeve nga kryeministri dhe kabineti i tij qeveritar. Ata do të duhet të jepnin dorëheqje, çdo forme tjetër, shpërndarje e fajit, është e papranueshme.
LDK-ja është në mes të 2 mundësve, jo të 2 mundësitë janë të mira. Po gjithnjë duhet me përzgjedh atë mundësit më pak të keqe. Të vazhdojmë punën edhe 4-5 muaj me këtë Qeveria apo të ia mundësojmë kësaj Qeveria edhe një mandat tjetër qeveritar. Natyrisht që jemi për një Qeveri 5-6 mujore”
Kryeministri, Albin Kurti, përmes disa skenarëve dhe përpjekjeve të tij, po tenton që ta dobësojë Lidhjen Demokratike të Kosovës dhe kështu partia e tij, Lëvizja Vetëvendosje, të dalë fituese në zgjedhje.
Kështu ka pohuar deputeti i LDK-së, i cili e sheh si skenar dashakeq të Kurtit thirrjen e opozitës në darkë – ku vetëm PDK-ja iu përgjigj pozitivisht, tha ai në “FIVE” të Dukagjinit.
“Nëse ne jemi në vazhdën e përpjekjeve të tij që me skenarin tij, që ne si LDK t’i përshtatmi, këto bëhen me qëllim që ai me përfitu, dhe LDK-në sa më shumë me dobësu para zgjedhjeve dhe me i kriju parakushte që partia e tij të dalë fituese. Ai ka qenë i bindur që të gjithë do t’i përgjigjen pozitivisht dhe, me paraqit këtë përgjigje si përpjekje e përbashkët e opozitës ndaj Qeverisë së tij, edhe thjesht me nxitë emocione siç i ka nxitur në të kaluarën”, ka thënë Çuni.
