Stuhitë e fuqishme të cilat goditën disa vende të SHBA-së kanë marrë shumë jetë njerëzish. Numri i saktë i viktimave ende nuk dihet.
Disa persona kanë humbur jetën në Iowa-s të SHBA-së nga stuhitë e furishme të cilat goditën Mespërendimin.
Torndado rrafshoi ndërtesa, theu turbine ere, përmbysi makina dhe shkaktoi ndërprerje të energjisë elektrike.
Policia e Iowa-s konfirmoi viktimat në një konferencë shtypi të martën mbrëma, por nuk ceku numrin e saktë të tyre.
Nebraska, Illinois dhe Wisconsin u goditën gjithashtu nga tornado, shi i madh dhe ndërprerje të energjisë elektrike. Greenfield, një qytet me 2000 banorë përjetoi tornado më vdekjeprurëse nga qytetet e tjera. Ku sipas dëshmitarëve, një pjesë e mirë e qytetit është shkatërruar tërësisht.
Guvernatorja e Iowa-s, Kim Reynolds tha se do të vizitojë Greenfield të mërkurën në mëngjes për të vlerësuar dëmet, përcjell RTK.
“Ishte vetëm disa javë më parë që tornadot goditën disa komunitete të tjera të Iowa-s dhe është e vështirë të besohet se kjo ka ndodhur përsëri,” tha Reynolds në një deklaratë.
