Nënsekretarja amerikane e Shtetit, Elizabeth Allen, është deklaruar për media pas takimit me presidenten e Kosovës Vjosa Osmani.
Allen tha se pati një takim produktiv sa i përket dezinformimit, mbështetjes së shoqërisë civile dhe angazhimit multilateral.
“Unë dhe presidentja Osmani këtë mëngjes e patëm një takim produktiv sa i përket dezinformimit, mbështetjes së shoqërisë civile dhe angazhimit multilateral. Gjithashtu diskutuam edhe për çështjet kritike të rrugëtimit euroatlantik dhe evropian të Kosovës. Ne e mbështesim rrugëtimin e Kosovës drejt institucioneve euroatlantike përmes bashkëpunimit dhe koordinimit të ngushtë”, tha ajo para gazetarëve.
Ndër të tjerash ajo e ka përmendur Asociacionin e komunave me shumicë serbe, duke thënë se është hap thelbësor në rrugëtimin euro-atlantik të Kosovës, përcjell Tëvë1.
“Diskutuam edhe për hapat kryesor për udhëtimin euroatlantik të Kosovës përmes asociacionit të komunave me shumicë serbe. Biseduam edhe për investimet në rini, trajnime dhe edukime për te siguruar një të ardhme të ndritur”, tha ajo.
