2 banorët Juli dhe Meritoni janë vendosur në televotim direkt kokë më kokë.
Kjo përballje vendimtare do të përcaktojë se kush do të jetë finalist i dytë dhe do të bashkëngjitet me Romeon në garën për një vend në finale të këtij edicioni.
Në natën e të martës, publiku do të ketë në dorë fatin e tyre dhe do të vendosë përmes votimit kush nga këta 2 banorë do të vazhdojë për të luftuar për titullin e fituesit.
Pasi ‘Vëllai i Madh’ bëri të ditur vendimin për televotim, Meritoni dhe Juli u shfaqën optimistë dhe të gatshëm për të përballur sfidën.
Ata shprehën falënderime dhe vlerësime për eksperiencën që kanë përjetuar gjatë kohës së kaluar në shtëpi, duke u shfaqur mirënjohës për mundësinë dhe mbështetjen që kanë marrë nga bashkëbanorët dhe publiku, përcjell Telegrafi.
Romeo, finalist i parë i shpallur, tashmë do të presë të mësojë se kush do t’i bashkohet në finale.
